“Congress-in airport kan er chhuak a, MNF an rawn sorkar a, Kamrula te nen sum siam nan an rawn hmang a, Airport cute an rawn sawi a. Tunah ZPM pawhin sum siam nan bawk an rawn hmang a, a bul ram hralh chungchangah a ram neituten vbch 70 an chan laiin, mantang eituten vbch 117 an lo ei ve a, a zahthlak hle a ni. ZPM sorkar minister pakhat chuan CM nen chuan kan kut a fai a ti a, mi dang an kut a fai lo em ni tih hi kan zawhna a ni," MPCC Vice President chuan a ti.

“Hemi chungchangah Congress chuan CBI ah FIR kan thehlut a, CM hian consent a pek ngei ngei a ngai a,  pe lo a nih chuan ‘dekhega’ kan ti a, kan en liam mai mai dawn lo a ni. Chiang taka kan hriat thawi danin kan CM zahawm tak hian a chan tur chu vbch 14 a ni a, vbch 10 a chang ta zawk a, ‘Rangkachakin min pe rawh u,’ a ti e an ti a, chu chu kum thara kan thu hriat hi a ni," a ti bawk.

John Rotluangliana chuan, “Hetiang hi kan sorkar kal dan a ni a, Mizoram mipuiten Congress hi sorkar leh turin min beisei. Khawi lai hmunah pawh Congress hi a lo tha ber an ti tawh a, min fak hreh pawhin tha lo rau rau-ah Congress an tha ber min ti” a ti.

He Political Session hi K.Vanlalrawna, General Secretary, MPCC chuan a kaihruai a ni.